Hag 1 | Ndebele | STEP | Ngomnyaka wesibili kaDariyusi inkosi , ngenyanga yesithupha, ngosuku lokuqala lwenyanga, kwafika ilizwi leN kosi ngesandla sikaHagayi umprofethi kuZerubhabheli indodana kaSheyalithiyeli , umbusi wakoJuda , lakuJoshuwa indodana kaJehozadaki , umpristi omkhulu, lisithi :

1 Ngomnyaka wesibili kaDariyusi inkosi ^a, ngenyanga yesithupha, ngosuku lokuqala lwenyanga, kwafika ilizwi leNkosi ngesandla sikaHagayi umprofethi kuZerubhabheli ^b indodana kaSheyalithiyeli ^c, umbusi wakoJuda ^d, lakuJoshuwa indodana ^e kaJehozadaki ^{f
,} ^g, umpristi omkhulu, lisithi ^h: 2 Itsho njalo iNkosi yamabandla, isithi: Lababantu bathi: Isikhathi kasikafiki, isikhathi sokuthi indlu yeNkosi yakhiwe. 3 Laselifika ilizwi leNkosi ngesandla sikaHagayi umprofethi, lisithi ⁱ: 4 Kuyisikhathi senu yini, lina ngokwenu, sokuthi lihlale ^j ezindlini zenu ezembeswe ngaphakathi ngamapulanka ^k, kanti le indlu ilunxiwa ^l? 5 Ngakho khathesi itsho njalo iNkosi yamabandla: Bekani inhliziyo yenu ^{▼▼ Bekani inhliziyo yenu, kumbe qaphelani.} ezindleleni zenu ⁿ. 6 Lihlanyele okunengi ^o, langenisa okulutshwana ^p; liyadla, kodwa ^q kalisuthi ^r; liyanatha, kodwa ^s kalikholwa ^t; liyagqoka, kodwa kakho okhudumalayo, lohola umholo uholela umholo esikhwameni esibhobokileyo ^u.

7 Itsho njalo iNkosi yamabandla: Bekani inhliziyo yenu ezindleleni zenu ^v. 8 Yenyukelani entabeni, lilethe izigodo, liyakhe indlu; njalo ngizathokoza ngayo, ngidunyiswe, itsho iNkosi ^w. 9 Belikhangele okunengi, kodwa khangelani, kube kulutshwana ^x; lapho likuletha ekhaya, ngikuphephethile ^y. Kungani? itsho iNkosi yamabandla. Ngenxa yendlu yami elunxiwa ^z, kanti lina liyagijimela ngulowo lalowo endlini yakhe. 10 Ngakho-ke amazulu phezu kwenu ^aa ayagodla ukuze kungabi lamazolo, lomhlabathi uyagodla ^ab izithelo zawo ^ac. 11 Ngasengibiza ukoma phezu kwelizwe, laphezu kwezintaba ^ad, laphezu kwamabele ^ae, laphezu kwewayini elitsha ^af, laphezu kwamafutha ^ag, laphezu kwalokho umhlabathi okuvezayo, laphezu kwabantu, laphezu kwezinkomo, laphezu kwawo wonke umsebenzi wezandla ^ah.

12 Khona ^ai uZerubhabheli indodana ^aj kaSheyalithiyeli ^ak, loJoshuwa indodana ^al kaJehozadaki, umpristi omkhulu ^{am
,} ^an, layo yonke insali yabantu, balilalela ilizwi leNkosi uNkulunkulu wabo ^ao, lamazwi kaHagayi umprofethi, njengoba iNkosi uNkulunkulu wabo wayemthumile; njalo abantu besaba phambi kweNkosi. 13 Wasekhuluma uHagayi isithunywa seNkosi ngelizwi leNkosi ebantwini ^ap, esithi: Ngilani, itsho iNkosi ^aq. 14 INkosi yasivusa umoya ^ar kaZerubhabheli indodana kaSheyalithiyeli ^as, umbusi wakoJuda ^at, lomoya kaJoshuwa indodana kaJehozadaki, umpristi omkhulu, lomoya wensali yonke yabantu ^au; basebesiza, benza umsebenzi endlini yeNkosi yamabandla, uNkulunkulu wabo ^av, 15 ngosuku lwamatshumi amabili lane lwenyanga yesithupha, ngomnyaka wesibili kaDariyusi inkosi ^aw.